Presidenti Stevo Pendarovski, sot i mirëpriti Kensaku Tanikava, të birin e poetit japonez Shuntaro Tanikava – laureatin e sivjetshëm të çmimit “Kurora e artë” e Mbrëmjeve strugane të poezisë, poetin italian dhe fituesin e çmimit “Urët e Strugës”, Xherardo Mazuço, poetin izraelit Amir Or, laureatin e Mbrëmjeve strugane të Poezisë për vitin 2020 dhe drejtorin e manifestimit poetik, Todorçe Tasevski.
Presidenti Pendarovski i uroi poetët që kanë marrë çmime, duke shprehur shpresën se këto çmime prestigjioze me të cilat valorizohen arritjet e tyre poetike, do të jenë motiv i mëtejshëm për suksese edhe më të mëdha në letërsi në të ardhmen.
Në këtë takim, Presidenti shprehu mirënjohje për organizimin e tërësishëm të Mbrëmjeve strugane të poezisë, duke theksuar se ky manifestim është një eveniment i lartë kulturor në botën e letërsisë, i cili edhe pse e afirmon krijimtarinë maqedonase në poezi, e afron edhe poezinë botërore me publikun maqedonas.