Presidenti Stevo Pendarovski, sot mbajti fjalim në promovimin e publikimit me titull “Solidariteti – nga tejkalimi i krizave te zhvillimi i qëndrueshëm”, i përpiluar nga Zyra e Programit për Zhvillim të Kombeve të Bashkuara (UNDP) në Shkup, nëpërmjet Instituti për Demokraci “Societas Civilis” (IDSCS).
Publikimi përmban trembëdhjetë punime autoriale mbi temën e solidaritetit dhe është përgatitur me rastin e shënimit të 60-vjetorit të tërmetit katastrofal në Shkup, me qëllim që të nxitet diskutimi publik në lidhje me rëndësinë e solidaritetit në qëllimet zhvillimore dhe ndërtimin e shoqërive rezistente.
Presidenti Pendarovski në fjalimin e vet e theksoi rëndësinë e solidaritetit duke theksuar se vetëm një botë e bashkuar, solidare dhe e hapur mund t’u përgjigjet në mënyrë adekuate sfidave globale të cilat po bëhen gjithnjë dhe më të ndërlikuara dhe për fat të keq, gjithnjë dhe më të rrezikshme.
“Obligimi ynë ndaj brezave të tashëm, por edhe ndaj brezave të ardhshëm, është të lëmë kushte përkatëse për përparim dhe zhvillim dhe nëpërmjet shembujve personalë të etablojmë vlerat morale mbi të cilat është e mundshme një botë më e mirë”, theksoi Presidenti Pendarovski.
“Para gjashtë dekadash, bota e atëhershme, e ndarë tërësisht ideologjikisht u bashkua në mbështetjen e një qyteti të shkatërruar nga katastrofa enorme natyrore, dhe e dëshmoi në vepër rëndësinë e solidaritetit dhe ekspedivitetin e ekzistimit të Kombeve të Bashkuara dhe sistemit të mbështetjes që e kanë ato. Të freskëta janë edhe kujtimet e shembujve të fundit tërmeteve shkatërruese në Siri dhe Turqi dhe rëndësia e solidaritetit që u dëshmua nga bashkësia ndërkombëtare dhe shtetet, në mënyrë individuale, si dhe nga individët e shumtë. Pa solidaritet do ta kishim të vështirë ta tejkalojmë pandeminë e kovidit, pikërisht në bazë të solidaritetit mund të zgjidhet çështja me problemet klimatike dhe shumë sfida të tjera të ndërlikuara që e mundojnë njerëzimin”, tha Presidenti Pendarovski në fjalim.
Në këtë eveniment fjalim mbajtën edhe Marina Valter, zëvendësdrejtoreshë rajonale e UNDP-së për Evropën dhe Azinë Qendrore, Vlladimir Deskovi, bashkautor i esesë “Ndërtimi i qytetit të solidaritetit”, i cili foli mbi rindërtimin pas tërmetit të Shkupit nga aspekti arkitektonik dhe Nenad Markoviq nga Instituti Demokratik “Societas Civilis” (IDSCS), i cili i argumentoi temat, qëllimin dhe përgatitjen e këtij publikimi.
“Më vjen mirë që UNDP-ja e udhëheq procesin e shënimit të 60-vjetorit të tërmetit në Shkup me një sërë evenimentesh si ky i sotme me Presidentin e shtetit. Ajo që na përcakton si qytetërim në momentet kryesore, kur e japim më të mirën prej nesh është solidariteti. Shkupi, qyteti i solidaritetit këtë e di më mirë. Në këtë publikim që po e prezantojmë sot, të përpiluar nga aktivistë, ekspertë, studentë, profesorë dhe të rinj, jo vetëm se theksohet rëndësia e solidaritetit nga shumë aspekte por edhe hapet një vizion për të ardhmen, si të vazhdohet përpara”, deklaroi Marina Valter, zëvendësdrejtoreshë rajonale e ZNDP-së.
Në suazat e këtij evenimenti autorëve të publikimit u janë dhënë fletë falënderimi nga Armen Grigorjan, përfaqësuesi i përhershëm i UNDP-së në vend.
