Presidenti Stevo Pendarovski sot e mirëpriti në takim lamtumire ambasadoren e Malit të Zi, Marija Petroviq.
Në këtë takim u konstatua se të dy vendet kultivojnë marrëdhënie tradicionale partnere dhe miqësore, pa çështje të hapura dhe u theksua se si aleatë në NATO dhe vende me qëllim të përbashkët – anëtarësim në Bashkimin Evropian, të dy shtetet kanë vlera të njëjta dhe japin kontribut në përparimin e bashkëpunimit rajonal, si dhe në stabilitetin dhe sigurinë e rajonit tonë.
Presidenti Pendarovski e falënderoi ambasadoren malazeze Petroviq për angazhimin diplomatik dhe për kontributin e saj në përparimin e marrëdhënieve të përgjithshme bilaterale, duke i uruar edhe sukses të mëtejshëm personal dhe profesional.