Presidenti Stevo Pendarovski sot në takim lamtumire e mirëpriti Tamuna Lilluashvilin, ambasadoren e Gjeorgjisë në Republikën e Maqedonisë së Veriut.
Në këtë takim u shkëmbyen mendime mbi marrëdhëniet bilaterale midis dy shteteve, gjendjen aktuale dhe sfidat në rajonet e Kaukazit dhe të Ballkanit Perëndimor, si dhe mbi aktivitetet e ardhshme në suazat e kryesimit maqedonas me OSBE-në.
Bashkëfolësit shprehën kënaqësi nga marrëdhëniet e deritanishme bilaterale dhe biseduan mbi thellimin e bashkëpunimit në fushat e interesit të përbashkët midis të cilave janë veçanërisht të rëndësishme perspektivat evropiane dhe euroatlantike të të dy shteteve.
Presidenti Pendarovski duke e falënderuar ambasadoren Lilluashvili për bashkëpunimin konstruktiv dhe për kontributin e saj për zhvillimin e marrëdhënieve maqedonase-gjeorgjiane, i uroi sukses në karrierën dhe angazhimet e mëtejshme.
