Në lidhje me deklaratën e kryetarit të VMRO-DPMNE-së, Hristijan Mickoskit për rejtingun e Presidentit Pendarovski, në vijim është qëndrimi i Presidentit:
“Hristijan Mickoski është politikani i fundit në Maqedoni i cili duhet të flasë për rejtingun personal.
Domethënë edhe pas pesë vjetësh si kryetar i VMRO-DPMNE-së ka rejting dy herë më të vogël se ish-kryetari i tyre, Nikolla Gruevski.
Në historinë politike maqedonase, kryetarët e partive më të mëdha politike kanë pasur gjithmonë rejting personal dy herë më të lartë sesa partitë që i udhëheqin. Kështu ka qenë rasti edhe me Branko Cërvenkovskin edhe me Zoran Zaevin te LSDM-ja, dhe me Lubço Georgievskin dhe me Nikolla Gruevskin te VMRO-DPMNE-ja.
Mickoski është përjashtimi i vetëm sepse ka rejting 50% më të ulët sesa partia të cilën e udhëheq.
Përndryshe, indikatori më i saktë për rejtingun personal të Mickoskit është anketa e fundit e fondacionit IRI, ku Presidenti Pendarovski ka besimin më të lartë, kurse Mickoski nuk gjendet as midis pesë vetave të parë në këtë listë.”