Në suazat e vizitës zyrtare të Presidentes së Republikës së Sllovenisë në Republikën e Maqedonisë së Veriut, Presidenti Pendarovski dhe Presidentja Pirc Musar vendosën kurora pranë varrit të revolucionarit maqedonas, Goce Dellçevit në kishën “Shën. Spas”, kurse pas përfundimit të ceremonisë së vendosjes së kurorave e panë edhe ikonostasin, ikonat dhe afresket në kishën “Shën. Spas”.
Paraprakisht, Presidenti Pendarovski, në ceremoni zyrtare me nderimet më të larta shtetërore dhe ushtarake në Kabinetin e Presidentit e priti Presidenten sllovene, ndërsa pas takimit tet-a-tet dhe takimit plenar të delegacioneve zyrtare u mbajt konferencë e përbashkët për shtyp.
