Presidenti Stevo Pendarovski, sot në Sofje u takua me kryetaren e Komisionit Evropian, Ursula fon der Lejen.
Në këtë takim u bisedua mbi krizën aktuale energjetike ku Presidenti Pendarovski shprehu pritjen për ndihmë nga Komisioni Evropian në kontekstin e solidaritetit evropian në ballafaqimin me krizën.
Bashkëfolësit biseduan edhe për procesin e skriningut si një fazë e rëndësishme në negociatat aderuese për anëtarësim në Bashkimin Evropian të Republikës së Maqedonisë së Veriut.
Presidenti Pendarovski theksoi se vendi është i përgatitur t’i bëjë reformat e nevojshme në fushat kryesore, si pjesë e procesit të aderimit.