Presidenti Stevo Pendarovski sot kazermën “Heroi nacional Strasho Pinxhur” në Petrovec mori pjesë në stërvitjen ushtarake metodike prezantuese me temë “Toga e lehtë këmbësore në kryerjen e detyrave të caktuara: patrolim, pastrim të aksit rrugor dhe reagim në kontakt”.
Stërvitjen e kryen rreth 100 përfaqësues të Brigadës së parë këmbësore së Armatës. Skenari i stërvitjes përfshiu çminimin e aksit rrugor gjatë kryerjes së patrullimit dhe simulim të kontaktit me fuqitë armiqësore dhe neutralizimin e tyre. Nëpërmjet kësaj stërvitjeje u prezantua një pjesë e pajisjes së re dhe armatimit personal të grupit të batalionit të këmbësorisë së lehtë.
Presidenti Pendarovski vlerësoi se realizimi i suksesshëm i këtij ushtrimi është dëshmi për profesionalizmin dhe përgatitjen e përfaqësuesve të Armatës, si partner i besueshëm në suazat e Aleancës së NATO-s dhe i riafirmoi të gjitha angazhimet dhe pritjet e veta për modernizim të mëtejshëm të Armatës edhe në vitet e ardhshme.
