Nxënësit e gjimnazit SHMK “Koço Racin” nga Velesi, sot e vizituan Kabinetin e Presidentit në suazat e aktivitetit Kabinet i hapur.
Nxënësit gjatë qëndrimit në Kabinetin e Presidentit u takuan dhe biseduan me Presidentin Pendarovski për punën e tij, si dhe mbi kompetencat dhe aktivitetet e presidentit. Ata i panë edhe hapësirat ku realizohen takimet zyrtare dhe të punës, si dhe sallat ku mbahen evenimente, ceremoni, konferenca për shtyp, mbledhjet e Këshillit të Sigurimit, dorëzimi i letrave kredenciale nga ambasadorët e huaj.
Vizitorët e gjimnazit nga Velesi u njohën edhe me historinë e objektit ku është vendosur Kabineti i Presidentit, si edhe me mënyrën e funksionimit të institucionit, kurse e panë edhe diptikun impozant “Maqedonia – vend i ndritur” dhe “Maqedonia kujton”, e një prej artistëve më të shquar maqedonas Gligor Çemerski, të vendosur në të dy muret e sallës “Mozaik”.
Kabineti i hapur është pjesë e projektit “Ballë për ballë me Presidentin”, në suazat e të cilit deri më tani Kabinetin e Presidentit e kanë vizituar qytetarë të moshave dhe profesioneve të ndryshme, studentë nga vendi dhe nga jashtë, si edhe nxënës të shkollave nëntëvjeçare dhe të mesme.
