Presidenti i Republikës së Maqedonisë së Veriut, Stevo Pendarovski, sot e priti ambasadorin italian Karlo Romeo, Ambasador i Republikës Italiane në Republikën e Maqedonisë së Veriut.
Në takimin, është biseduar për marrëdhëniet bilaterale mes Maqedonisë së Veriut dhe Italisë, me ç’rast është shprehur kënaqësia nga zhvillimi i vazhdueshëm i bashkëpunimit mes të dy shteteve, në të gjitha fushat nga interesi i ndërsjellë. Në këtë kontekst është riafirmuar interesi për intensifikim shtesë të marrëdhënieve ekonomike dhe këmbim tregtar, si dhe për bashkëpunimin në fushën e mbrojtjes dhe sigurisë, arsimit, kulturës dhe turizmit.
Presidenti Pendarovski ka potencuar se Maqedonia e Veriut lartë e vlerëson konstruktivitetin, mbështetjen e qartë dhe pa rezervë nga Republika e Italisë në rrugën tonë drejtë anëtarësimit të plotfuqishëm në Bashkimin Evropian, duke shprehur pritjen dhe se Parlamenti italian së shpejti do ta ratifikojë Protokollin për inkuadrimin e Maqedonisë së Veriut në NATO.
Ambasadori italian Romeo e ka uruar presidentin Pendarovski për marrjen e postit dhe i ka uruar sukses në ushtrimin e detyrës, duke shprehur gatishmërinë për avancim të mëtutjeshëm dhe përforcimin e marrëdhënieve mes dy shteteve.