Eurointegrimet e Republikës së Maqedonisë së Veriut, marrëdhëniet me Republikën e Bullgarisë, ngjarjet aktuale në vend në aspektin politik, në fushën e gjyqësorit dhe emërimit të ambasadorëve, ishin temat e bisedës në intervistën e Presidentit Pendarovski për “Top Tema” në televizionin Tellma.
“Komisioni historik është i rëndësishëm, por nuk mund të flasim për histori dhe vetëm për histori, dhe nëpër suksesin e këtij komisioni historik të vlerësojmë a meriton dikush të hyjë në Bashkimin Evropian. Si rrjedhim e përshëndesim qasjen e kryeministrit bullgar, Kirill Petkov, se historia nuk duhet të jetë kanali i vetëm për komunikim midis Shkupit dhe Sofjes, dhe pres sa më shpejt që është e mundshme, ose këtë muaj ose muajin tjetër, të hyjmë në realizim praktik konkret në këtë plan të tij”, deklaroi Presidenti Pendarovski në intervistën në lidhje me marrëdhëniet aktuale me Republikën e Bullgarisë dhe pritjet për zhvendosje të pozitave.
