Ngjarjet aktuale politike në vend, dialogu midis pushtetit dhe opozitës, perspektivat evropiane të Maqedonisë së Veriut, marrëdhëniet me Bullgarinë dhe mundësitë për zhbllokim të vetos bullgare me qëllim të hapjes së negociatave me Bashkimin Evropian, ishin pjesë e temave mbi të cilat foli Presidenti Stevo Pendarovski në emisionin “Samo intervju” (Vetëm intervistë) në Televizionin “Kanal 5”.
“Ne duhet të kemi me patjetër ndonjë lloj garancie nga Bullgaria, edhe më mirë edhe nga Brukseli dhe nga i gjithë Bashkimi Evropian, se çështja për përfshirjen e bullgarëve në Kushtetutën e vendit, do të jetë kërkesa e fundit e Sofjes”, theksoi Presidenti Pendarovski, duke shtuar se deri në këtë moment nuk ka një sinjal të tillë pozitiv nga pala bullgare.
