Nxënësit e SHFK “Luben Llape” nga Shkupi sot e vizituan Kabinetin e Presidentit Stevo Pendarovski në suazat e aktivitetit Kabinet i hapur.
Vizitorët u njohën me Presidentin Pendarovski, biseduan me të për funksionin e presidentit, mbi kompetencat dhe aktivitetet e rregullta, kurse i shkëmbyen edhe interesat dhe afinitetet e tyre në suazat e procesit arsimor.
Gjatë qëndrimit në Kabinet nxënësit i vizituan hapësirat ku mbahen takimet zyrtare dhe të punës, si dhe sallat ku realizohen mbledhjet, evenimentet, ngjarjet dhe konferencat për shtyp. Në sallën Mozaik e panë edhe diptikun impozant “Maqedonia – vend i ndritur” dhe “Maqedonia kujton” të akademikut Gligor Çemerski.
Paraprakisht morën pjesë edhe në ceremoninë e ndryshimit të flamurit shtetëror në sheshin para Kabinetit, që kryhet nga përfaqësuesit e Batalionit për nderime dhe homazhe të Armatës, që mbahet me qëllim të zmadhimit të ndjenjës dhe respektit për flamurin e Republikës së Maqedonisë së Veriut, si reprezent dhe simbol i shtetit tonë.
Kabineti i hapur u mundëson vazhdimisht qytetarëve të moshave dhe profesioneve të ndryshme, studentëve nga vendi dhe jashtë vendit, si dhe nxënësve nga shkollat e mesme dhe nëntëvjeçare të vizitojnë Kabinetin dhe të takohen me Presidentin Pendarovski.
