Nxënësit e SHFK “Vera Ciriviri Trena” dhe të SHFK “Vëllezërit Milladinovci” nga Shkupi sot e vizituan Kabinetin e Presidentit Stevo Pendarovski, në suazat e programit Kabinet i hapur.
Vizitorët kishin mundësi të bisedojnë me Presidentin Pendarovski për punën e tij, mbi aktivitetet aktuale në Kabinet dhe i shkëmbyen interesat e veta në suazat e procesit arsimor.
Gjatë qëndrimit në Kabinet i vizituan edhe hapësirat ku realizohen takimet zyrtare dhe të punës, si dhe sallat ku mbahen evenimente, ceremoni, konferenca për shtyp.
Nga të punësuarit në Kabinet nxënësit u njohën me historinë e objektit ku është vendosur Kabineti i Presidentit, si edhe me mënyrën e funksionimit të institucionit, kurse e panë edhe diptikun impozant “Maqedonia – vend i ndritur” dhe “Maqedonia kujton”, vepër e akademikut Gligor Çemerski.
Kabineti i hapur është pjesë e projektit mundëson komunikim të drejtpërdrejtë të qytetarëve me Presidentin Pendarovski. Në vitet e kaluar Kabinetin e kanë vizituar disa mijëra qytetarë të moshave dhe profesioneve të ndryshme, organizata rinore dhe institucione arsimore.
