Konferencë “30 vjet marrëdhënie diplomatike maqedonase-gjermane: bashkëpunim bilateral dhe mbështetje zhvillimore me Rajnën Veriore – Vestfalinë” në organizim me QPEP

20 Mars 2023 | Kumtesat

Me organizim nga Qendra presidenciale për edukim politik sot në Shkup u mbajt konferenca me temë “30 vjet marrëdhënie diplomatike maqedonase-gjermane: bashkëpunim bilateral dhe mbështetje zhvillimore me Rajnën Veriore – Vestfalinë”.

Në hapjen e kësaj konference folën Natanael Liminski, ministër federal për Çështje Evropiane dhe Ndërkombëtare dhe Media dhe shef i zyrës shtetërore të Rajnës Veriore – Vestfalisë, Bojan Mariçiq, zëvendëskryeministër i Qeverisë për Çështje Evropiane, Boris Georgievski, redaktor i redaksisë maqedonase në Dojçe Vele, si dhe Aleksandar L. Spasov, këshilltar për politikë të jashtme, politikë të brendshme dhe çështje kushtetuese në Kabinetin e Presidentit të Republikës së Maqedonisë së Veriut.

Natanael Liminski, ministri federal për Çështje Evropiane dhe Ndërkombëtare dhe Media dhe shef i zyrës shtetërore të Rajnës Veriore – Vestfalisë fjalimin e vet shprehu bindjen se partneriteti midis Gjermanisë dhe Maqedonisë së Veriut mund të jetë pjesë e mozaikut të anëtarësimit në Bashkimin Evropian – në atë proces, dhe prandaj siç tha ai është këtu, duke dashur të kontribuojë për një bashkësi më të fuqishme, për shpirtin evropian dhe për besimin tonë të ndërsjellë, midis Rajnës Veriore – Vestfalisë dhe Maqedonisë së Veriut.

Bojan Mariçiq, zëvendëskryeministri i Qeverisë për Çështje Evropiane tha se Gjermania është një nga partnerët dhe mbështetësit më të mëdhenj të integrimeve tona evropiane, kurse e theksoi edhe bashkëpunimin e shkëlqyer në fushën e ekonomisë. Ai foli edhe mbi sfidat e rrugës së integrimit evropian të vendit tonë në vitet e kaluara dhe vuri në dukje se janë tri fusha kryesore ku duhet të japim rezultate së bashku. Ai i përmendi reformat e brendshme dhe theksoi se fokusi është padyshim te sundimi i ligjit, gjyqësori efikas, lufta efikase kundër korrupsionit, funksionimi i institucioneve demokratike dhe reforma e administratës publike. Zëvendëskryeministri Mariçiq tha se këto fusha janë identifikuar edhe në procesin e skriningut me Bashkimin Evropian.

Boris Georgievski, redaktori i redaksisë maqedonase në Dojçe Vele i njohu të pranishmit me historinë e kësaj mediumi dhe kujtoi rrethanat dhe kohën kur u krijua redaksia maqedonase dhe foli mbi rolin e Dojçe Veles në zhvillimin e marrëdhënieve maqedonase-gjermane.

Aleksandar L. Spasov, këshilltar për politikë të jashtme, politikë të brendshme dhe çështje kushtetuese në Kabinetin e Presidentit të Republikës së Maqedonisë së Veriut, i falënderoi pjesëmarrësit në këtë konferencë në emër të Qendrës presidenciale për edukim politik dhe foli për miqësinë dhe partneritetin midis dy shteteve, për marrëdhëniet bilaterale dhe zhvillimin e tyre në 30 vjetët e kaluar.
Konferenca “30 vjet marrëdhënie diplomatike maqedonase-gjermane: bashkëpunim bilateral dhe mbështetje zhvillimore me Rajnën Veriore – Vestfalinë” u organizua në suazat e aktiviteteve të Qendrës presidenciale për edukim politik, kurse pjesëmarrës në këtë konferencë ishin alumnët e Shkollës së parë dhe të dytë për politika, si dhe bursistët e programit “Training programme for Young Professionals from North Macedonia to North-Rhein Westfalen”, në bashkëpunim me GIZ.

Категории

Categories

Kategori

Последни вести

Latest news

Lajmet e fundit

Pendarovski: VMRO-DPMNE nuk ka ofertë thelbësore për qytetarët

Pendarovski: VMRO-DPMNE nuk ka ofertë thelbësore për qytetarët

VMRO-DPMNE në mungesë të ideve dhe të ofertës thelbësore për qytetarët vazhdon të përdorë zhargonin rrugor dhe frazat e konsumuara, duke u përpjekur që ta diskreditojë Presidentin Pendarovski dhe reputacionin e tij. Me komunikimin e tillë politik VMRO-DPMNE-ja nuk do...

Kabinet i hapur me fëmijët e Kopshtit të fëmijëve “8 Prilli” dhe nxënësit e shkollave nëntëvjeçare nga Shkupi “Dimitar Makedonski”, “Kiro Gligorov” dhe “Kuzman Josifovski Pitu”

Kabinet i hapur me fëmijët e Kopshtit të fëmijëve “8 Prilli” dhe nxënësit e shkollave nëntëvjeçare nga Shkupi “Dimitar Makedonski”, “Kiro Gligorov” dhe “Kuzman Josifovski Pitu”

Në suazat e aktivitetit “Kabinet i hapur”, sot Kabinetin e Presidentit e vizituan fëmijët e Kopshtit të fëmijëve “8 Prilli” nga Shuto Orizari, dhe nxënësit e shkollave nëntëvjeçare “Dimitar Makedonski” nga Aerodromi, “Kiro Gligorov” nga Qendra dhe “Kuzman Josifovski...