Presidenti Stevo Pendarovski, i shoqëruar nga bashkëshortja, Elizabeta Gjorgievska, sot në Abacinë e Uestminsterit në Londër mori pjesë në Funeralin shtetëror të Madhërisë së Saj Mbretëreshës Elizabeta e Dytë.
Pas funeralit shtetëror, Presidenti Pendarovski mori pjesë në pritjen që e organizoi ministri i Punëve të Jashtme të Komonuelthit dhe Zhvillimit të Mbretërisë së Bashkuar, Xhejms Kleverli.
Dje, Presidenti Pendarovski në Sallën Uestminster bëri homazh para arkivolit të Mbretëreshës Elizabeta e Dytë, kurse në Lankaster haus u nënshkrua në librin e zisë.
Dje në mbrëmje, Presidenti Pendarovski në Pallatin e Bakingamit mori pjesë në pritjen që për shefat e delegacioneve e organizoi Madhëria e Tij Mbreti Çarlsi i Tretë.
Në funeralin shtetëror në Abacinë e Uestminsterit, morën pjesë mbi 2.000 të ftuar të lartë nge e gjithë bota. Kambanat e Abacisë së Uestminsterit kanë rënë 96 herë në çdo minutë, duke e shënuar jetëgjatësinë e Mbretëreshës. ky është funerali i parë shtetëror për monark në këtë abaci nga shekulli i 18 deri më sot.