Presidenti Stevo Pendarovski, sot e mirëpriti sër Stjuart Piç, përfaqësuesin special të Mbretërisë së bashkuar për Ballkanin Perëndimor.
Në këtë takim u bisedua mbi marrëveshjet e përgjithshme bilaterale midis dy shteteve, mbi gjendjet në rajon, si dhe mbi ndikimin e invazionit rus mbi Ukrainën për stabilitetin dhe sigurinë e kontinentit evropian.
Presidenti Pendarovski theksoi se Maqedonia e Veriut i kushton vëmendje të veçantë zhvillimit të marrëdhënieve bilaterale me Mbretërinë e Bashkuar dhe ka interes të vazhdueshëm për përforcimin e bashkëpunimit midis dy shteteve në shumë sfera të interesit të përbashkët.
Në atë kontekst, Presidenti Pendarovski e falënderoi për donacionin më të ri britanik i cili përfshin 14 njësi mobile për trajnimin e përfaqësuesve të Armatës në mjedis urban, që sot do të dorëzohet në poligonin “Krivollak”, duke e vlerësuar si një afirmim tjetër të aleancës së fuqishme të të dy shteteve anëtare të NATO-s.
Në këtë takim u shkëmbyen mendime në lidhje me fillimin e negociatave aderuese të Maqedonisë së Veriut me Bashkimin Evropian.
