Presidenti Pendarovski, sot në një takim lamtumire e priti ambasadorin e Republikës së Francës, Kristian Timonie.
Në këtë takim janë shkëmbyer mendime mbi marrëdhëniet e përgjithshme bilaterale midis dy shteteve dhe është vlerësuar se karakterizohen nga miqësia dhe besimi i ndërsjellë. Presidenti theksoi se Maqedonia e Veriut te Franca sheh aleatin në realizimin e qëllimeve strategjike.
Presidenti Pendarovski shprehu kënaqësinë që gjatë mandatit katërvjeçar të ambasadorit Timonie dy shtetet u bënë aleate në NATO, si dhe është marrë vendimi për fillim të negociatave aderuese me Bashkimin Evropian. Në këtë kontekst, Presidenti Pendarovski e theksoi rëndësinë e mbështetjes që Franca e jep për perspektivën evropiane të Maqedonisë së Veriut dhe të rajonit, duke thënë se pas miratimit të metodologjisë së re për mbajtjen e negociatave, shteteve kandidate u është mundësuar integrimi në BE të zhvillohet nëpërmjet zbatimit të reformave themelore.
Presidenti Pendarovski e falënderoi ambasadorin Timonie për angazhimin e tij të tërësishëm diplomatik në shtetin tonë dhe i uroi sukses në planin personal dhe profesional.
