Takim me përfaqësuesit e Olimpiadës speciale të Maqedonisë së Veriut

18 Korrik 2023 | Kumtesat

Presidenti Stevo Pendarovski sot i mirëpriti përfaqësuesit e Olimpiadës speciale të Maqedonisë së Veriut të cilët morën pjesë në Lojërat Olimpike Speciale Botërore që u mbajtën muajin e kaluar në Berlin.

Presidenti Pendarovski i përgëzoi olimpistët tanë për suksesin e arritur dhe pesë medaljet e fituara, nga të cilat një e artë, dy të argjendta dhe dy e bronzta. Në Olimpiadën e Berlinit, sportisti Agron Hajredini fitoi medalje të artë në kërcim së gjati, kurse Juliana Petrovska ishte e dyta në të njëjtën disiplinë. Në disiplinën e notit, Stefan Tërpkovski fitoi medalje të argjendtë në 100 metra shpinë, kurse Mario Mickovski medalje të bronztë në garën e 100 metrave stil i lirë. Jane Nikodinovski fitoi medalje bronzi në badminton.

Duke theksuar se rezultatet e tyre janë krenaria jonë kombëtare, Presidenti Pendarovski i falënderoi për përfaqësimin e denjë ndërkombëtar të shtetit. Njëkohësisht, ai shprehu mbështetjen për aktivitetet dhe angazhimin e Olimpiadës speciale maqedonase, e cila duke vlerësuar cilësitë sportive, kontribuon në përfshirjen dhe realizimin e afiniteteve individuale të personave me aftësi të kufizuara dhe zhvillimin atipik.

Në Lojërat Olimpike Speciale Botërore në Berlin morën pjesë mbi 7000 sportistë nga 190 vende. Olimpiada jonë speciale u prezantua me 19 atletë me zhvillim jotipik në pesë disiplina: not, basketboll, badminton, atletikë dhe pingpong.

Категории

Categories

Kategori

Последни вести

Latest news

Lajmet e fundit

Presidenti Pendarovski u takua me maratonistin Dario Ivanovski

Presidenti Pendarovski u takua me maratonistin Dario Ivanovski

Presidenti Stevo Pendarovski sot në parkun e qytetit në Shkup u takua me maratonistin Dario Ivanovski, i cili para disa ditësh vendosi rekord të ri maqedonas në maratonën në Sevilja, Spanjë, si dhe me trajnerin dhe menaxherin e tij, Igor Jakimovskin dhe atletin Zhan...