Presidenti Stevo Pendarovski, sot i mirëpriti Gert Jan Kopman, drejtorin e përgjithshëm dhe Mikela Matuela, u.d. drejtoreshën për Ballkanin Perëndimor në Drejtorinë e Përgjithshme për Fqinjësi dhe Negociata për Zgjerim të Komisionit Evropian.
Në këtë takim u bisedua mbi gjendjet aktuale në shtet, mbi vijimin e procesit të skriningut, mbi marrëdhëniet me fqinjësinë dhe rajonin në Ballkanin Perëndimor në kontekstin e eurointegrimeve, si dhe mbi procesin e zgjerimit të Bashkimit Evropian.
Bashkëfolësit shkëmbyen mendime dhe informacione edhe mbi gjendjet dhe perspektivat në vendet e rajonit, në kontekstin më të gjerë gjeopolitik dhe të sigurisë, të shkaktuara nga lufta në Ukrainë.
Presidenti Pendarovski, duke shprehur falënderim për mbështetjen e vazhdueshme nga Komisioni Evropian për eurointegrimet maqedonase, e theksoi nevojën për integrimin e përshpejtuar të vendeve të Ballkanit Perëndimor e cila do të ndikojë mbi sigurinë, proceset e përgjithshme politike dhe agjendën reformuese, si edhe mbi europotimizmin në rajon.