Presidenti Stevo Pendarovski sot i mirëpriti tri nxënëset, pjesëmarrëse në olimpiadën ndërkombëtare të gjuhës angleze “HIPPO” 2023, që u mbajt në Romë.
Presidenti Pendarovski e përgëzoi gjimnazisten Ana Radeskën nga Shkupi për marrjen e vendit të parë në këtë olimpiadë në kategorinë “Hippo 3”, si dhe Katja Gogovën nga Bogdanci dhe Tamara Nikollovskin nga Manastiri për sukseset e arritura për kualifikimin në finale.
Në bisedë, Presidenti Pendarovski theksoi se është veçanërisht krenar që dy vite me radhë nxënës nga vendi e zënë vendin e parë në këtë olimpiadë ndërkombëtare. Kjo, siç theksoi Presidenti Pendarovski, është konfirmim për cilësinë të cilën e posedojnë nxënësit tanë. Njëkohësisht, i inkurajoi që edhe mëndej të vazhdojnë t’i mbindërtojnë njohuritë e veta dhe të arrijnë suksese edhe më të mëdha ndërkombëtare.
Nxënëset dhe mentoret e tyre në takim thanë se olimpiada është mundësi e përkryer për promovim të rëndësisë dhe domosdoshmërisë së njohjes së gjuhës angleze, si dhe për afrimin e të rinjve nga e gjithë bota, për njohje kulturore dhe përparim të bashkëpunimit midis mësimdhënësve të gjuhës angleze.
Olimpiada ndërkombëtare “HIPPO” organizohet që nga viti 2012. Këtë vit në olimpiadën në Romë morën pjesë më shumë se 80.000 garues nga mbi 50 vende të botës.
