Presidenti Stevo Pendarovski në intervistën për Televizionin 24 i shprehu qëndrimet e veta për temat aktuale të politikës së jashtme dhe të brendshme në vend.
Protestat studentore, ndryshimet e Kushtetutës dhe pasojat eventuale, rasti i Onishçenkos dhe ASN, paralajmërimet për bombat në shkollat e mesme, ishin një pjesë e çështjeve në intervistë.
Presidenti foli edhe mbi pozitën tonë si vend anëtar në NATO nëpër prizmin e luftës në Ukrainë, si dhe mbi pritjet nga negociatat aderuese për anëtarësim në BE në aspektin e marrëdhënieve me Bullgarinë.
Në lidhje me protestat studentore, Presidenti konsideron se kërkesat e tyre kanë bazë dhe i bëri thirrje pushtetit dhe opozitës që t’i ndihmojnë studentët.