Presidentja Gordana Siljanovska Davkova e mirëpriti ambasadorin e Republikës së Azerbejxhanit, Kamil Kasijev.
Në këtë takim u bisedua mbi thellimin dhe përparimin e marrëdhënieve bilaterale në sfera të ndryshme që janë në interes të përbashkët të të dy vendeve. Në këtë kontekst, Presidentja Siljanovska Davkova tha se përveç formave të ndryshme të bashkëpunimit, shkëmbimit të vizitave në nivel të lartë midis dy vendeve mund të kontribuojë në intensifikimin e marrëdhënieve bilaterale dhe dialogut politik.
Presidentja Siljanovska Davkova theksoi se të dy vendet kanë një trashëgimi të pasur kulturore dhe histori të gjatë me të cilat mund të arrihen rezultate solide në fushën e turizmit. Ajo shtoi se me përforcimin e bashkëpunimit në këtë fushë dhe nëpërmjet prezantimit të potencialit tonë turistik , mund të hapet rruga për zmadhimin e shkëmbimit turistik dhe mirëkuptimit të ndërsjellë.
Presidentja shprehu edhe interesin tonë për intensifikimin e bashkëpunimit ekonomik midis dy vendeve, sidomos në fushën e energjetikës, duke pasur parasysh interesin tonë për diversifikimin e burimeve të furnizimit me energji.
